रुकुम पूर्वमा माओवादीको खाता, जगतबहादुर घर्ती निर्विरोध निर्वाचित

स्थानीय तह उपनिर्वाचन अन्तर्गत नेकपा माओवादी केन्द्रले रुकुम पूर्वको पुथा उत्तरगंगा गाउँपालिका-२ मा नयाँ खाता खोलेको छ। माओवादीका उम्मेदवार जगतबहादुर घर्ती निर्विरोध निर्वाचित भएका छन्।

नेकपा माओवादी केन्द्रका नेता र रुकुम पूर्वका सङ्घीय सांसद पूर्ण घर्तीले जानकारी दिंदै भने, “कांग्रेस र एमालेका तर्फबाट उम्मेदवारी दिएका जीवन रोकाले उम्मेदवारी फिर्ता लिएपछि जगतबहादुर घर्ती निर्वाचित भएका छन्।”

सांसद घर्तीका अनुसार, २०७९ को निर्वाचनमा माओवादीका उम्मेदवार जसबहादुर श्रीपालीले २३४ मत ल्याएर विजयी भएका थिए भने कांग्रेसका कर्णबहादुर बुढाले १७९ मत प्राप्त गरेका थिए।