किरण पुञ्जको “खुल्ला आँखा र सपना’ गीत सार्वजनिक”

काठमाडौँ: गायक किरण पुञ्जको नयाँ गीत ‘खुल्ला आँखा र सपना’ हालै सार्वजनिक भएको छ। यो गीत किरण पुञ्जको अफिसियल युट्युब च्यानलबाट सार्वजनिक गरिएको हो। गीतमा भूगोल आर दाहालको शब्द र संगीत रहेको छ भने संगीत संयोजन राजेन्द्र वाईवाले गरेका छन्।

किरण पुञ्जकै स्वरमा सजिएको यो गीतले दर्शक-श्रोतामाझ नयाँ प्रभाव पार्ने विश्वास लिइएको छ। भिडियोको मुख्य भूमिकामा संचारकर्मी, अभिनेत्री तथा मोडल सिविना राउत र गायक किरण पुञ्जको जोडीलाई देख्न सकिन्छ। उनीहरूको उत्कृष्ट अभिनयले भिडियोलाई थप आकर्षक बनाएको छ। यसका साथै कलाकार नम्रता खरेल, भ्लगर रिया र आरएन लुफी (अर्जुन), ब्युटी पेजेन्ट विजेता इसिका साखकर्मी, र मोडलिङ/इभेन्ट म्यानेजर रवि श्रेष्ठको उपस्थिति भिडियोलाई अझ रोचक बनाएको छ। सविनाको साथिहरूसँगको बाइक इन्ट्री दृश्यले भिडियोमा नयाँ आयाम थपेको छ।

कमल प्रजापतीको निर्देशनमा बनेको यस म्युजिक भिडियोको छायांकन नितेस (नियोन) लामाले गरेका हुन्। भिडियोमा रहेका संवादहरूले गीतको भावलाई थप प्रस्ट पार्न मद्दत पुर्याएको छ भने पात्रहरूको कथा प्रस्तुतिमा सहायक देखिएको छ। यो म्युजिक भिडियो किरण पुञ्जको युट्युब च्यानलमा उपलब्ध छ, जहाँ दर्शकहरूले यो सुन्दर प्रस्तुति हेर्न र सुनन सक्छन्।