admin
नेपाली चलचित्र “तेल भिस्सा” को ट्रेलर हालसालै सार्वजनिक भएको छ। यो फिल्म विशेष गरी अमेरिकामा बसोबास गरिरहेका नेपाली परिवारहरूको संघर्ष र सांस्कृतिक अन्तरद्वन्द्वलाई चित्रण गर्दछ। चलचित्रमा प्रमुख पात्र राधा नामकी एक नेपाली आमा हुन्, जसले आफ्नो छोराको परिवारको देखभाल गर्न अमेरिका जान्छिन्। तर, उनको परम्परागत नेपाली जीवनशैली र अमेरिकाको सांस्कृतिक अन्तरले केही अप्रत्याशित कानूनी समस्या निम्त्याउँछ।
चलचित्रलाई शंकर घिमिरेले लेखन र निर्देशन गरेका छन् भने निर्माता अनिल पाण्डे र शिवराज कार्की हुन्। साथै, राजकुमार युवराज कार्की र श्रुती दाहाल कार्यकारी निर्माता छन्। चलचित्रमा विपिन कार्की, वर्षा राउत, ऋचा घिमिरे र बुद्धि तामाङको अभिनय देख्न सकिन्छ। यो चलचित्र मंसिर ७ गते, २०८१ (नोभेम्बर २२, २०२४) मा नेपालसहित विभिन्न मुलुकहरूमा प्रदर्शन हुने तयारीमा छ ।
