admin
लोकदोहोरी गायक अमृत अधिकारीले ‘मनको शान्ति’ बोलको गीत सार्वजनिक गरेका छन्।
मानिसका पीर व्यथामा आधारित रहेर भजन शैलीमा तयार गीतमा अमृतसँगै शान्तिश्री परियार, रामचन्द्र चन्द र सुनिता बुढा क्षेत्रीको स्वर छ।
विक्रमबाबु विश्वकर्माको शब्द रचना, नन्दु परियारको संगीत रहेको गीतलाई कृष्ण बि.कले एरेन्ज गरेका छन्।
राष्ट्रिय लोक तथा दोहोरीगीत प्रतिष्ठानका कोषाध्यक्ष समेत रहेका अधिकारीले ‘दाइको ससुराली गाउँ’ गीत ल्याएको २० वर्षपछि ‘मनको शान्ति’ सार्वजनिक गरेका हुन्।
यसको भिडिओमा रामचन्द्र अधिकारी, बिमल अधिकारी, जुना गुरुङ, यशु भट्टराईलगायतको अभिनय छ।
मौसम हिमालीले भिडिओको निर्देशन गरेका हुन्। यसमा करन चैसिरको छायांकन, मनोज कार्कीको सम्पादन छ।
