admin
सिन्धुली, शुक्रबार – झापाबाट काठमाडौं जाँदै गरेको बागमती प्रदेश ०१०३० च ९६४२ नम्बरको इभि गाडी आज (शुक्रबार) बिहान ४ बजे बीपी राजमार्ग अन्तर्गत गोलन्जोर गाउँपालिका–५, खनियखर्क र सिन्धुलीगढी बीचमा दुर्घटनाग्रस्त भएको छ।
गाडी करिब ३ सय मिटर तल खस्दा चालक २६ वर्षीय सुसान्त नेपाली गम्भीर घाइते भएका थिए। उनलाई सिन्धुली अस्पताल लगिएको थियो, तर उपचारको क्रममा उनको मृत्यु भएको प्रहरीले पुष्टि गरेको छ।
घटनामा गाडीमा सवार अन्य ५ जना यात्रु घाइते भएका छन्। उनीहरूको अहिले सिन्धुली अस्पतालमा उपचार भइरहेको छ।
घटनास्थलमा प्रहरी टोली तुरुन्तै पुगेको थियो र उद्दार कार्यमा सक्रिय रहेको छ। दुर्घटनाको थप विवरण आउन बाँकी छ।
